Londonda “Suriyaya və regiona dəstək” konfransı keçirilib. Azərbaycan Prezidenti  İlham Əliyev BMT-nin baş katibi Pan Gi Munun, Böyük Britaniya və Şimali İrlandiya Birləşmiş Krallığının Baş naziri Devid Kemeronun, Almaniya Federativ Respublikasının Kansleri Angela Merkelin, Norveç Krallığının Baş naziri Erna Solberqin və Küveyt Dövlətinin Əmiri Sabah əl-Əhməd əl-Cabir əs-Sabahın dəvəti ilə konfransda iştirak edib.

Dünya şöhrətli azərbaycanlı alim Lütfi Zadənin (Lütfəli Rəhim oğlu Əsgərzadə) 95 yaşı tamam olub. O, süni intellekt sahəsində qeyri-səlis məntiq nəzəriyyəsinin banisi, Kaliforniya Berkli Universitetinin professoru və Amerikadakı Azərbaycan diaspor təşkilatlarının fəxri sədridir.

Tamaşaçılar bu fantastik filmin ardını 2018-ci ildə görəcəklər. “Avatar” filminin ikinci hissəsinin çəkilişlərinə 2016-cı ilin aprelində başlanacaq. Premyerasının dəqiq tarixi  məlum olmasa da, studiya, filmi 2018-ci ildə ekranlara çıxarmağı planlaşdırır. Beləliklə, tamaşaçıların yeni filmlə “görüşü” “Avatar”ın ekranlara çıxmasından düz 9 il sonra baş tutacaq.

Məşhur “Xaç atası” filminin 45 qutudan ibarət arxiv materalları hərraca çıxarılacaq. Arxivin başlanğıc qiyməti 400 min dollardır.

Dünyanın ən qədim mumiyası 2350 il əvvəl yaşamış insanın mumiyasıdır. Sözügedən mumiya 16-18 yaşlı gənc oğlana məxsusdur. Bu mumiya Cənubi Azərbaycanın Zəncan şəhərindəki Mahmud xan Zülfüqari Tarixi Etnoqrafiya Muzeyində saxlanılır.

Brodvey teatrının səhnəsində ifasını başa vuran əfsanəvi aktyor Al Paçino, canlandırdığı obrazın geyimində küçədə gəzməyə çıxıb. Nyu-York sakinləri “Oskar” mükafatçısı, Al Paçinonu qəribə və ədəbsiz davranışına görə, evsiz-eşiksiz səfilə bənzədiblər.

Bu günlərdə Qafqaz Universitetində ARNK yanında Tərcümə Mərkəzi, Qafqaz Universiteti, Dillər Universiteti və “British Council”un təşkilatçılığı ilə “Tərcümə ixtisasının tədrisi, mövcud problemlər və təhlil” mövzusunda Respublika Forumu keçirilib.

Özbəkistanın “Review.uz” portalında Heydər Əliyev Fondunun yeni layihəsi olan Zirə Mədəniyyət Mərkəzinin və eko-parkın açılışı ilə bağlı rus dilində məqalə yayılıb.